Dantier, pra l ultimo Trix, fovel la puscibilità de fé pea l quiz sun ciun juech che ëssa da deventé "Juech dl Ann" y "Juech dl Ann per mutons" 2010. 17 jugadëures à fat pea y dat ju si preferënza:

Śën savos bele ciun juech che ie deventà "Juech dl Ann" 2010, ma per l juech per mutons messons mo aspité nfin ai 2 de agost! Permò iló savrons da dì chiche à venciù l quiz - sce l sarà pa un che vënc, ajache mé doi partezipanc à lità "Dixit"!

 

Ve iepa mei suzedu de ulei fe n juech da meisa ma ne abineis deguni che a dlaurela o ueia?

Po pudeis ciale it sota Brettspielewelt !

Tlo pudeis fe ngrum de juesc, tei che cunesceis bel o enghe npare de nueves.

Bon devertiment :)

Ie pa juesc da mëisa nia me velch per mutons? Definitivamënter no.
Chësc à desmustrà ai 7 de auril la grupa seniores de Sëlva, che à nvià - sciche bele autri iedesc - la grupa TRIX per mëter a jì na ancunteda fajan juesc da mëisa per seniores.
Cun chësta atività se à la grupa TRIX dl VKE - sezion Gherdëina - nsci giaurì a duta la fasces de età. Y n muessa dì cun gran suzes:
L fova na sudesfazion a udëi che l ti savova bel a mparé juesc nueves nce ala jënt de tëmp.
Sambën che l costa n pitl sforz a se lascé ite sun velch de nuef. Ma da l’autra pert juden nsci pea a mantenì ativa la mënt. Y pona ons udù che i effec colaterai de n blot juech ie plu che positives nce pra i seniores: Nsciuma duc à abu na drëta “hez”.

Ciuni ie pa juesc adatei per seniores?

La carateristighes plu mpurtantes ie: Pedines grandes y saurides da tenì. La brea dl juech da mëisa dëssa avëi scritures grandes assé y dëssa vester tlera. La regules dëssa vester saurides da capì, ma nia banales. Y dantaldut: L juech dëssa crië comunicazion danter i jugadëures.
For plu i plu, vën metui sun l marcià juesc da mëisa per seniores. Nsci per ejëmpl la firma SELECTA cun la serie “Selecta nobile” o nce la firma “Ravensburger” cun la serie "Spiel und Vergnügen". Ma nce de autri.

Sëisa devëntei mpue dal bunder?

Pona pudëis sambën unì pra la proscima ancunteda per seniores te Sëlva, ai 16 de juni dala 14.00. Ve aspiton!

Na gran cumpëida de mutons se à ancuntà a fé juesc dla LEGO

N sada, ai 27 de merz ie unit prejentei  10 juesc fac dldut de toc de LEGO. Ben 30 mutons y genitoresc a nuzà chësta ucajion unian coche uni ultima sada dl mens dala 14.00-17.00 te calonia bas ite de Urtijëi a jughé. Danter i partezipanc iel unì cris ora trëi pesć.

La proscima ancunteda dla grupa Trix ie ai 18 de auril te Cësa de Cultura a Urtijëi pra la „Festa dla cultures“ metuda a ji dala Buteiga dl Mond de Urtijëi. N chësta ucajion saral da udëi y purvé ora juesc de dut l mond, duc ie de cuer nviei!

 

Proscima sada, ai 27 de merz 2010 metons a jì na n turnoi de LEGO… Eh, ëis propi liet drët: l se trata de 10 juesc da mëisa fac de LEGO. Duc i sculeies dla scolina, dla scola elementera y dla scola mesana ie de cuer nviei. Danter i partezipanc uniral trat ora trëi juesc dla LEGO. Unide duc!!! Se ancunton n sada dala 14.00 ala 17.00 te calonia de Urtijëi bas ite.

Dasseira tl Saut uniral ence fat n turnoi per i granc, ma chesc cun juesc fac aposta per 2 persones. Tlo nen dal de uni sort y per uni gusto.

Deplu sota

http://games.lego.com/en-US/default.aspx

L ie propi inò stat na blota sëira! Passa 25 jëuni se à inò ancuntà tl Saut a fé vel juech n cumpania.
"Siedler von Catan", "Celtica", "Fauna" y "Die Tore der Welt" ie mé valguni di juesc che ie unì jughei. Danter chisc a plajù dassënn i ultimi 2.

Fauna ie n juech de savëi y de ndeviné che trata di tieres de dut l mont. N mussa purvé a ndeviné de n grumon de tieres defrënc l pëis, la grandëza, la lunghëza dla coda y i posc' ulache i viv. Chiche sà o ndevina plu avisa vënc.

Die Tore der Welt ie n juech de strategia trat dal liber cun l medemo inuem scrit da Ken Follett. Chësc ie bele l segondo juech che ie unì crià sun la storia de un de si libri y chësc ie ënghe scialdi garatà. La se trata de cuntribuì a fé su costruzions sciche n mulin, n spedel o n puent te n luech dl Ingltiera ntëur al 1800.

 

Chëst’ann fova l segondo iede che on metù a jì n domesdi de juesc da mëisa ntan i dis de carnescià. Dala 2 domesdi a feter la cinch se on tripà pra de blot juesc te calonia de Sëlva. I jëuni jugadëures ie unic saludei dai TRIXler chëst iede n mascra, coche puëis udëi... Povester assé che vën a s'la dé nce n auter ann.

Da n pez iel tl forum dla TRIX n juech da fe online: „Black-Stories“ alias „Stories fosces“. L se trata de n na situazion de cronaca foscia nventeda ulache duc i partezipanc posse purvé a ndevine percie che l ie ruà a chesta situazion. Chël che a metù ite la storia possa nsci respuender cun SCÌ o NO, nfinché l mistero ven scuviert.

Seis duc nviei a ciale it y samben enghe a fe pea.

Sciche uni ultima sada dl mëns dala 20.00 h à ënghe inier la grupa TRIX metù y jì TRIX tl SAUT. Ntëur 20 jëuni de Gherdëina ie unic per sté mpue n cumpania fajan n trëi juesc y se devertian. Bel fovel inò udëi n valguna persones nueves che ne fova mo mei a TRIX. Speron sambën che les vënie inant a nosta manifestazions.

Bereits das ganze Schuljahr 2008/2009 hat die Gruppe TRIX den Studenten des Schülerheims „Assudëi“ monatlich einen Besuch abgestattet. Auch im laufenden Schuljahr stehen Brettspielabende wieder fix im Abendprogramm.

Ein Mal monatlich haben die Jugendlichen die Möglichkeit sich bei einem guten Brettspiel zu amüsieren und einen geselligen Abend zu verbringen. Wir verzeichnen manchmal mehr und manchmal weniger Besucher, je nachdem wie viel Hausaufgaben für den Abend noch anstehen ;)

Jedenfalls sind die Brettspieler begeistert, wir haben selbst Spaß daran gemeinsam mit den Jugendlichen zu spielen.

 

Hauptattraktion diesmal: DOG.

„Mensch ärgere dich nicht" - in einem neuen Outfit und mit einem etwas veränderten Spielmechanismus“, könnte man meinen. Tatsächlich wurde die „Dog“-Idee bereits 1982 aus Kanada importiert und ist seitdem in vielen Varianten erschienen. Auch von privaten Brettspielliebhabern wurden bereits die unterschiedlichsten Aufmachungen kreiert. Eine Kostprobe davon könnt ihr hier ansehen (aus: www.dogspiel.info).

Ziel ist es, wie beim „Mensch ärgere dich nicht“, die vier eigenen Spielfiguren so schnell wie möglich über einen Rundkurs ins Ziel zu bringen.

Der Unterschied: die Figuren werden nicht durch eine Würfelzahl fortbewegt, sondern durch geschicktes Einsetzen von Punkte- und Ereigniskarten und man spielt im Team. Jenes Team, das als Erstes alle acht Figuren im Zielfeld platziert hat hat gewonnen.

 

Glücksfaktor, Geschick, vorausschauendes Denken und Teamarbeit charakterisieren das spannende, lustige und abenderfüllende Familienspiel.

Fazit der Studenten des Schülerheims: Das spielen wir jetzt noch einmal! Und so war es dann auch.

Bis zum nächsten Mal! Wenn es wieder heißt: „TRIX im Schülerheim!“

 

 

 

N fin dl’ena de juesc da mëisa y de juesc tl scur

Cun gran suzes iel ntan l ultim fin dl’ena unì a s’l dé la manifestazion “Trix days” a Urtijëi. Chëst ann iel bele l cuarto ann che la grupa Trix – VKE Gherdëina mët a jì n fin dl’ena de devertimënt per pitli y granc tla aula magna dla scola elementera de Urtijëi. L fin de chësta ancuntedes ie de ti dé l’ucajion a families y a grupes de cumpanies de sté deberieda te na bela armunia y bona ueia fajan n blòt juech da mëisa. Juesc da mëisa n iel de uni sort y à n gran valor per l crëscer adum te familia, per l svilup di mëndri, ma nce per l svilup dla persunalità di jëuni.

Cun na bela lingia de passa 250 juesc pudans nsci pité n valguna ëures de l’aurela curta per uni età tres juesc che cuntën nce aspec pedagogics. Chisc renforza danter l’auter la capazità de se cunzentré y de meter averda, dl rujené, de se ujiné y de tenì adum y, nia da desmincé, l devertimënt ne mancia.

Juesc tl scur

Coche uni ann fovel nce chëst iede n self a tema, ulache l vën for anjenià ca n ambient y na atmosfera particulera per pité lerch a cër’ juesc. Chëst ann se ons pensà de nscuré n self a na cërta maniera da pudëi fé juesc tl scur y pudëi nsci purvé ora l juech da n auter pont de ududa, da chël de n vierc. Deberieda a Heidi Perathoner iesen stac boni de urganisé na ancunteda cun n vierc de Gherdëina y cun doi vierces dl zënter per vierces de Bulsan, che acumpaniova nsci i jugadëures tl self scur.

Speron de avëi dat la puscibltà a truep mëndri, families y jëuni de passé n bel fin dl ena n cumpania y davia che la festes da Nadel ie dan porta y vel un se ëssa povester mpensà de duné vel juech, pitons ai 25 de nuvëmber na sëira de nfurmazion ulache l unirà spiegà n valgun juesc y ulache n puderà nce nstës i purvé ora, a na maniera da se fé na idea sun ciun juech che fossa l plu adatà!

 

 

 

TRIX-Days: Fin dl'ena de juesc da mëisa per pitli y granc. Ai 14-15 de nuvëmber mët la grupa Trix inò a jì i “Trix Days”, n fin dl ena ulache pitli y granc puderà purvé ora uni sort de juesc da mëisa, nce i plu atuei. Chëst ann uniral nce anjinià ca na sala sul tema „juesc tl scur“, ulache duc puderà, acumpaniei da na persona dl zënter per vierces de Bulsan, purvé ora coche l ie a fé n juech canche n ne vëij nia. I Trix-Days unirà a s’l dé te scola elementera de Urtijëi aut ite, n sada dala 14.30 ala 22.00 y n dumënia dala 10.00 ala 17.00. L unirà nce pità velch da maië y da bever y l sarà nce n cianton da fé damat y assistënza per fredesc sota i 3 ani. Duc ie de cuer nviei!

Ëis’a ueia de fé n valgun juesc da mëisa NUEVES n cumpania?

“Spiele des Jahres 2009“ y autri juesc da mëisa atuei, nce cun chertes, cooperatives, de grupa, per doi y mo trueps de autri.

Chi ie pa nviei? Families y mutons dla scolina, scola elementera y mesana
Extra: Cianton da fé damat y assistënza per fredesc sota i 3 ani
Ora de chël: Consulënza per juesc da meisa a genitores y nteressei. La entreda ie debant.
Can pa? Sada, ai 26 de setëmber dala 14.00 ala 17.00
Ula pa? Tl local di jëuni dla calonia de Urtijëi

Ulon lecurde che Trix per i jeuni la sada seira resta tl SAUT :)

Da puech a la Lego dat ora 10 nuef juesc da meisa, duc desfrenc y fac cumpletamenter de toc de lego. L idea ie scialdi nteressanta ajache la brea dl juech po uni mudeda ju do uni iede che l ven jugà, nsci ne deventa i juesc mei dastufe! Lepró se ai mo nventa n dado bendebo speziel, da chesc dado possun mude ju la pertes. Chesc uel di che n po se fe l dado per uni juech, propi coche l ne adrova.

L dado pudes enghe vester de nteress per chei che ules purve a nvente n juech, nsci possun sauri purve ora vel tipo de dado senza avei masa n gran leur.

Tres la plata brettspiel-blog.de son ruei seura sun n cuncors, ulache n po vencer 1 de 100 juesc dla Lego. Chesc cuncors ven pitá da gesellschaftsspiele.de y per fe pea basta scri n pitl articul sun chisc nuef juesc y sun l cuncors che ie da fe pea.

Doi bloc juesc fosa

Ramses Pyramid

y Creationary

Ve nvion a ti ciale npue ala 2 plates, che ie sgur scialdi nteressantes per apasciunei de juesc da meisa. Sce eis ueia de fe pea al cuncors, abineis duta la informazions sun gesellschaftsspiele.de

Ne udon l eura de purve adum chisc nuef juesc ^^

N lunesc damesdi ntëur la 11 ie stai numinei i 2 juesc dl ann de chëst ann.

Danter i juesc per mutons a venciù "Das magische Labyrinth". Chësc inuem fajera sgur lecurdé a vel un n juech che i fajova da pitli che ova n inuem feter medemo. ;) Nce te chësc juesc muessa i mutons jì a crì certa cosses tamesa n labirint, ma l ne ie nia tan saurì... te chësc labirint ne veijen nia i mures! Perchël vala de se lecurde ulache n possa jì zënza peté it tl "uet". Dastramp n blot juech per mutons, ma nce cun vel ani deplù possl dessegur vester darì!

Passon sën al pest che ie unì dat al mieur juesc "per granc". Chëst ann se l à ino fata n juech mpuë plu "sot", minà n cont de strategia y tattica. N juech ulache scialdi à da dà ce chertes che n se chier ora, ma nce npue de fertuna adroven a les giapé tla man te l drë mumënt!
DOMINION ie l inuem dl juesh premià, nventà da Donald X. Vaccarino, cumplimënc.
Te chësc juesc muessa i jugadëures cuncuisté raions. Chësc possen fé cun scioldi, ma suvënz per ruvé a ngrum de scioldi adroven autri mesums: per ejempl paejes de cunfin, marangons, marcëi, leresc y sambën ncesaudeis. Nscà se meten adum si pitl imperium che crescerà for deplu, nfin a deventé l majer.

L sistem de juech ie drë inovatif y l se lascia jughé dastramp bën. L ie nce bele n espansion dl juech, che mët mo leprò 500 chertes ala 500 che ie bele tla scatula pinzipela.

Nosc quiz che on fat l'ultima sada ie unì venciù da Tobi!! Cumplimënc! El à ndevinà tramedoi juesc y à nscila venciù na scatula de "Dominion" (o una de Labyrinth sce l ëssa gën :P )

Ve lecordi che ai 18 de Lugio jon sa Sanon sun Mont de Sëuc a fe juesc! Sëis duc i benunii!